علامك اتصغر الخلق وتستهتر
كنك صبي ما يمشي باحتساب
ما يعيبه لى خذوه عند دختر
مثل السايق اللي ما يعيبه الركاب
لى جابو لعنده نرس او سستر
استقوى ومثل دور اميتاب
من عقب ما تخلخلت عظامه واتكسر
انحاش كما تنحاش الكلاب
جنى ع نفسه يوم استقوى واتعنتر
والمراجل ما هيب بطول الاشناب
تمشي وتخطي والخطي تتكرر
فطبع الاسود هب من طبع الكلاب
العيب باللي عاود الغلطه واستمر
واللي صحح الغلطه ما ينعاب
الرجال ابقول وافعاله تتفسر
ما كل رجالن معتلي راس مرقاب]
علامك حايط لك شله ومتعسكر
صاير الفارس لى ما يهاب
كنك معتلي العرش الاسكندر
قاهر السيوف ورماح الحراب
شخصية امثالك ابتلى واتبعثر
وعرين الليث ما يعيشه كلاب...
كثر ما نته متعلي ومفتخر
ما يرعب الحر نعيق الغراب
لا انت في الخير تستبشر
ولا انت من خيرة الشباب
الدروب ما توزن بمقياس رختر
ولا توزن الخدم بملوك الغاب
يهيج نفسك ع الغي وتستحقر
وطرايد الضباع ما تشتهيه الذئاب
الاسباب اللي تخلي النفس تستكبر
ما يصغي الاسود بعواء الكلاب
ما ابالي واوحي باللي تغير
لا بهرجة الواشين ولا هرجة الكذاب
لي عزة نفس ولله متشكر
انا الحر لى كشر عنه الناب
يا حيف اللى عليه اتسيطر
وانا ما اصغي واخاوي الهياب
كثر ما نا ع الوقت مستثمر
جرتني التجارب في دروب الاغراب
تخير وخاف من الله واستغفر
قبل لا تقوم الساعه والحساب
اتق الله وقوم اسجد واعتمر
اهتدي عل الدعاء تستجاب
سبح لربك واخلص واستذكر
اعمل وارتجي واطلب الثواب
بما انك منت حريص اتفكر
احرص باللي نهاك تغتاب
ماني ابشكسبير ولا جيت استعمر
انا لى تكلمت ما ابالي العقاب
ولاني بأبو جعفر المنتصر
لـ جاهد بسيفه في ليالي السراب
شاعر(ن) أكتب ما أميله وأستشعر
وأخاف باللي له الحق في العقاب
god give us mindلتفتكر
Humain shoud thinkفي الصواب
On the way can"t تختصر
No one can reachللسحاب
جبتها بالانجليزي ودونتها بالدفتر
بأفكاري الصعبه طبعتها في اكتاب
كثر الجمل شطرها إستبحر
وكل كلمة(ن) في شطرها إعراب
انا القلم ل على القرطاس إتسطر
انا المخلاب لى تهابني العقاب
انا الشاعر لى كتب ما إتحسر
انا اللي ضاق طعم الغياب
إعمل جميل ولا تعاود تستهتر
ترى الانسان ما يطول الشهاب
اذ كسبت الناس أمرك يتيسر
كبدر(ن) خايلت السما اذا غاب
لا خاطبت ابقساوه منه إتعذر
كون عنوان في أول الكتاب
وسلامتكم
السهران
السهرآن شو هالقصيده الروعهُ
