رجيتك لاتخليني !!!
تكفى رجيتك لاتخليني
ناظر عيوني لاتجافيني
بالله قولي كيف تنسيني
وانت الذي علمتني حبك
ماكنت أقصر في موالاتك
وماكنت أقصر في محاتاتك
لو تطلبين العين ذي جاتك
وهذي حياتي ميته قربك
قلبي انا في حبك وافي
مثل النهر يبقى لكم صافي
ماكنت انا في حبكم جافي
لكن حسافه قلبي بقلبك
مادام قلبك قرر إبعادي
خله يعيش العنبر الكادي
مادام عادي قلت لك عادي
هذا طريقي هذا هو دربك
خليني بهمي وخليني
الموت جاني لاتحاتيني
محدٍ على خدي يبكيني
مثل الحجر قلبي مثل قلبك
